ဒီအခန်းမှာတော့ Case ကိုရွေးချယ်ကြမယ်၊ Case ကိုရွေးချယ်တဲ့ အခါ သင်အသုံးပြုမယ့် Motherboard နဲ့ ကိုက်ညီတဲ့ အ၀န်ဆံ့တဲ့ fix size ဖြစ်တဲ့ Motherboard ထည့်လို့ရတဲ့ Case ကိုရွေးရမယ်ဆိုတာတော့ ပြောနေစရာတောင်လိုမှာမဟုတ်ပါဘူး၊ မဆံ့မှတော့ ကွန်ပြူတာ ဘယ်လိုလုပ် တည်ဆောက်နိုင်မလဲ၊ ဒါပေမယ့် ပိုပြီးနားလည်သွားအောင် အကျယ်ချဲ့မယ် (ဟားဟားဟား)
Form Factors
Motherboard ရဲ့ form factor ဆိုတာက Motherboard ရဲ့ပုံသဏ္ဍန်ကိုပဲပြောတာပါ၊ တည်ဆောက်ပုံ Port ပါတဲ့ပုံစံ စသဖြင့် သွင်ပြင်လက္ခဏာတွေအားလုံးကိုပေါင်းပြီး Motherboard ရဲ့ Form Factor လို့ခေါ်တယ်၊ ပုံမှန်အားဖြင့် Motherboard ရဲ့ Form Factor သုံးမျိုးရှိတယ်
ATX
Micor ATX
ITF
အထက်က သုံးမျိုးထဲမှာ ATX က အသုံးအများဆုံးနဲ့ နာမည်အကြီးဆုံး Micro ATX က ဒုတိယ အသုံးအများဆုံးနဲ့ နာမည်အကြီးဆုံး ITF ကတော့ နောက်ဆုံး ပေါ့၊ ၀ယ်ရင်တော့ ATX ၀ယ်ဗျာ၊
Case Size
Case ၀ယ်တဲ့အခါ အရွယ်အစားကလဲ အဓိက ကျပါသေးတယ်၊ အရွယ်အစားပေါ်မူတည်ပြီး သင်ထည့်လို့ရမယ့် ကွန်ပြူတာ ပစ္စည်း ကျန်ရှိမယ့်နေရာ နဲ့ သပ်ရပ်စွာ တပ်ဆင်မူတို့ ကို အဆင်သင့်သလိုနေရာချသွားနိုင်ပါတယ်၊ အရွယ်အစား သုံးမျိုးရှိတဲ့ထဲမှာ mini-case ကတော့ အသေးစာ အပြားလေးဖြစ်ပြီး များသောအားဖြင့် ကွန်ပြူတာ ကို သူ့အပေါ်မှာ တင်ပြီးသုံးကြပါတယ်၊ နောက်တစ်ခုကတော Mid-case (mid-size လို့လဲခေါ်တယ်) သူကတော့ အသုံးအများဆုံးဖြစ်ပြီး အသင့်တော်ဆုံး Case ပါ၊ လူတွေအားလုံး လဲ mid-size ကိုသုံးကျပါတယ်၊ နောက်ဆုံးတစ်ခုကတော့ Full case(tower Case) ပါ၊ ရှည်တယ် ကြီးတယ်၊ အသုံးနည်းတယ်၊ သုံးတဲ့လူတွေက သူတို့ရဲ့ personal home server ကိုထောင်တဲ့လူတွေများတယ်၊ သူတို့က အဲ့ဒီ့လို Personal Home Server ထောင်ပြီးငွေရှာကြတာကို (ဘယ်လိုငွေရှာလဲသိချင်ရင်တော့ Make Money ဆိုတဲ့ 72coder ရဲ့ သင်ခန်းစာကိုသွားကြည့်ပါ၊ တစ်လ ကို ဒေါ်လာ 2000 လောက်တော့ လုပ်နိုင်ရင် နားလည်ကျွမ်းကျင်ရင် ရနိုင်တဲ့နည်းကို သင်ပေးထားတယ်)၊ full case က Mid-case ရဲ့ နှစ်ဆရှိတယ်၊
အထက်က တော့ ဥပမာ ပြထားတဲ့ Mid-case ရဲ့ပုံစံပါ၊
ကွန်ပြူတာ Case ကိုဝယ်ရင်ဖြင့် USB ပေါက်ဘယ်နှစ်ပေါက်ပါလဲ၊ SD Card Port ပါလားမပါလား၊ Momery Card Port ပါလားမပါလား၊ Optical Drives ဘယ်နှစ်ခုတပ်လို့ရမလဲ၊ စသဖြင့် လိုအပ်တာအားလုံးကိုစစ်ဆေးပါ၊ ပြီးတော့ ၀ယ်ဖို့ရွေးတဲ့အခါ နည်းနည်း လှုပ်ကြည့်ပါ၊ သိပ်ပျော့နေရင် အသံတွေထွက်နေရင်တော့ မ၀ယ်နဲ့၊ တကယ်အသုံးပြုလို့ Hard Drive တို့ Power Supply တို့အလုပ်လုပ်ပီဆိုတာနဲ့ သိပ်ပျော့တဲ့ လှုပ်ခါနေတဲ့ Case ဆိုရင်ဖြင့် အသံတွေမြည်ပြီး ရထားခုတ်သလို အသံတွေထွက်နေတတ်တယ်၊
နောက်ထပ် သိသင့်တာကတော့ သင်ဝယ်မယ့် Case မှာ Fan ပါလားမပါလား၊ Power Supply ပါလားမပါလား ဆိုတာကိုစစ်ဆေးပါ၊ ပုံမှန်အားဖြင့်ပါတယ်၊ Power Supply မပါရင် ထည့်သွင်းမယ့်နည်းကို နောက်ပိုင်းသင်ခန်းစာတွေမှာသင်ပေးမှာပါ၊ အောက်မှာတော့ Case တစ်ခုဝယ်တဲ့အခါ နားလည်လွယ်အောင် ဥပမာ အနေနဲ့ Case တစ်ခုရဲ့ Title ကိုရေးပေးလိုက်မယ်၊
Rosewill Mid Tower MicroATX with 120mm fan
အထက်က စာသားက Case နဲ့ အတူပါလာမှာပါ၊ အဓိပ္ပါယ်က Rosewill ကုမ္မဏီက ထုတ်တယ်၊ Mid Tower အလည်အလတ် Case အမျိုးအစား၊ Micro ATX အမျိုးအစား Motherboard ကိုလက်ခံတယ်၊ ထည့်သွင်းအသုံးပြုနိုင်တယ်၊ 120mm fan ပါတယ်၊
0 comments:
Post a Comment